Рокови:
Последен рок за испраќање на извадоци од вашите е-книги: 20.03.2003
Краен рок за испраќање на целосните верзии на вашите е-книги: 30.05.2003
Јазици:
Секоја книга мора да биде на барем два јазика.
Пожелно е (но не и задолжително) Вашата е-книга да биде на барем еден од следните јазици:
- англиски
- француски
- германски
- италијански
- шпански
- руски
Хонорари:
Во овој момент, на авторите и на преведувачите не сме во можност да им исплатиме хонорар за дело. Сепак, работиме на тоа да обезбедиме средства за хонорари. Покрај ова, секој застапен автор ќе добие по три примероци од CD-ROM Babylonia.
Ограничувања:
Можат да бидат ре-објавени и веќе објавени книги.
Нема ограничувања во должината на текстот.
Нема да бидат објавени е-книги кои шират национална, верска, расна и/или каква било друга омраза.
Нема да бидат објавени е-книги кои имаат порнографска содржина.
Блесок го задржува правото да не објави некоја од понудените е-книги доколку таа не ги задоволува основните естетски критериуми.
Жанрови: Поезија: испратете 4-6 песни на е-адресите на Лидија Димковска и Никола Маџиров, уредници на Блесок Поезија, како и на е-адресата на Игор Исаковски, главен и одговорен уредник на Блесок.
Проза: испратете 8-12 страници проза на е-адресите на Игор Исаковски и Роберт Млинарец, уредници на Блесок Проза.
Есеи: испратете 2 резимеа за два од Вашите есеи и еден цел есеј на е-адресата на Ана Димишковска - Трајаноска, уредничка на Блесок Есеи, како и на е-адресите на Петар Волнаровски и Роберт Алаѓозовски, уредници на Блесок.
Критика и теорија: испратете 2 резимеа за два од Вашите критичко-теориски текстови и еден цел текст на е-адресите на Петар Волнаровски и Роберт Алаѓозовски, уредници на Блесок.
Драма: испратете ги првите 10 страници од Вашата драма на е-адресата на Роберт Алаѓозовски, уредник на Блесок Театар.
Формати:
Испраќајте ги материјалите исклучително во .RTF (rich text format) или .TXT формат. Другите формати воопшто нема да бидат отворени, затоа што се потенцијални носители на вируси. Пожелно е документите да бидат компресирани во .ZIP документ. Доколку имате прашања околу овие операции, пратете ни е-порака: webmaster@blesok.com.mk
Доколку пишувате на арапски, хебрејски, кинески, јапонски, корејски и/или други сликовити јазици, ќе ни требаат црно-бели .GIF слики од вашите текстови.
